Հաճախ տրվող հարցեր

Դրանք բոլորը արդեն լուծված են և քիչ-քիչ կավելանան կայքում։ Պարզապես կայքում տեսանյութերի անխափան աշխատանքի (առանց արգելակումների և ընդհատումների՝ տեսանյութերի բացելը) համար անհրաժեշտ է դրանք օպտիմալացնել, ինչը յուրաքանչյուր տեսանյութի համար բավականաչափ ժամանակ է պահանջում։

Ամեն ինչ կախված է Ձեզնից։ Խնդիրներին տրված են մանրամասն լուծումներ, ուստի ուշադիր դիտելու դեպքում ամեն ինչ կհասկանաք։ Եթե ջանք չխնայեք՝ բացի տեսանյութերը դիտելուց, ինքնուրույն մտածեք և լուծումները գրառեք, ապա Ձեզ մոտ ամեն ինչ կստացվի։ Միշտ հիշեք, որ նույնիսկ լավագույն մաթեմատիկոսը սթրեսի կամ լարված վիճակում կարող է տարրական սխալներ թույլ տալ, իսկ ավելի բարդ երևույթների մասին խոսելն արդեն ավելորդ է։

Որքան շատ ժամանակ տրամադրեք, այնքան ավելի լավ արդյունք կստանաք։ Իմ կարծիքով՝ առնվազն 1,5 տարի է հարկավոր։ Քանի որ քչերին է հաջողվում 1 տարի պարապելով գերազանց արդյունքների հասնել, իսկ մեծամասնությունը կարճ ժամանակ անց մոռանում է անցածը (կես գիտելիք, կես անգիր վարժանք), տարվելով բուհական կյանքի եռուզեռով։

Քանի որ ավարտական քննությունների թեստերի առաջադրանքները կազմվում են շտեմարաններում առկա առաջադրանքների հիման վրա (տե՛ս ուղեցույցը), ուստի վիդեոդասերը դիտելը հիմնարար անհրաժեշտություն է նաև այդ աշակերտների համար։

Այո, քանի որ դրանք տրամադրում են տեսողական և լսողական բացատրություններ, որոնք հեշտացնում են յուրացնել դասը: Սակայն կարևոր է ոչ միայն դասերը դիտել, այլև ինքնուրույն աշխատել, կրկնել և կիրառել սովորածը: Այսպիսով, վիդեոդասերը կարող են լինել գիտելիք ձեռք բերելու հզոր գործիք, սակայն հաջողության հասնելու համար անհրաժեշտ է նաև անձնական նվիրվածություն և համառություն:

Քանի որ առաջադրանքների ընդհանուր քանակը շատ մեծ է, իսկ իմ կողմից ավելացվող լրացուցիչ տեսանյութերը միասնական փաթեթի տարողությունը կդարձնեն ահռելի, հնարավոր են տեխնիկական խնդիրներ (օրինակ՝ կայքի դանդաղ աշխատանք): Այդ իսկ պատճառով մոտակա ժամանակներում զերծ կմնամ միասնական փաթեթի գաղափարից, բայց յուրաքանչյուր շտեմարանի համար առանձին փաթեթ ստեղծելը իրական է։

Բացի ուսուցիչների համար նախատեսված պրոմոկոդերից (իմանալ ավելին), որոնք զեղչակտրոններ են աշակերտների համար, զեղչեր կլինեն նաև տարբեր տոների և հիշատակի օրերի առթիվ, ինչպիսիք են՝ Ամանորը և Սուրբ Ծնունդը, Բանակի օրը, Մայրենի լեզվի օրը, Կանանց միամսյակը (այդ ընթացքում ընկած ապրիլի 2-ը, Սուրբ Մարիամ Աստվածածնի Ավետման տոնը),Սուրբ Զատիկը, Հայոց ցեղասպանության զոհերի հիշատակի օրը, Մայիսի 9-ը, Երեխաների իրավունքների պաշտպանության միջազգային օրը, Վարդավառը, Վերափոխումն Սուրբ Աստվածածնի, Գիտելիքի և դպրության օրը, Խաչվերացը, Անկախության տոնը, Սեպտեմբերի 27-ը, Ուսուցչի օրը, Թարգմանչաց տոնը, Երկրաշարժի զոհերի հիշատակի և աղետների դիմակայունության օրը, Ցեղասպանությունների դատապարտման և կանխարգելման օրը և այլն։

Քանի դեռ կայքում վճարային համակարգեր ինտեգրված չեն (ֆինանսական խնդիրներ), կայքի ներսում գնում կատարել չեք կարող։ Որքան շուտ աջակցեք, այնքան արագ կբացվի կայքում վճարումներ կատարելու հնարավորությունը։ Յուրաքանչյուր դրամական միջոց կարևոր է գործընթացի արագացման համար։ Վճարման համար կարող եք փոխանցում կատարել բանկային քարտին։ Մանրամասների համար ուղարկեք էլ. նամակ կամ գրեք Ֆեյսբուքյան էջին։